Xəstə yarımbeyin çıxdı

Gərginlik və halsızlıq şikayətiylə xəstəxanaya gedən qadının yarım beyinli olduğu məlum oldu.
Son zamanlar dünyada qeyri-adi hadisələr baş verməkdədir. Bu yaxınlarda əhalisinin sayı artıq 1,5 milyardı ötən Çindən dünyanı heyrətə salan bir məlumat da gəldi.
39 yaşlı bir cinli xanım gərginlik və halsızlıq şikayəti ilə xəstəxanaya müraciət edib. Onun müayinəsini aparan xəstəxananın nevroloji eksperti Zhang Linhong gördüyünə inana bilməyib. Müayinə zamanı məlum olub ki, xəstənin beyninin yalnız sağ yarım hissəsi mövcuddur.
Linhong, "Əslində sol yarım hissə danışma qabiliyyətini nizamlayır. Amma xəstəmizin ətrafıyla ünsiyyətində problem yoxdur. Anası qızının normal bir həyat sürdüyünü söyləyir. Xanım universiteti yaxşı qiymətlərlə bitirmişdir və yaddaşı qüvvətlidir. Telefon nömrələri və yoldaşlarının adını sürətlə xatırladığını da gördük" - dedi. (internethaber)

Aqşin Əsgərov
İmam Sadiq (ə) adına İslam Maarifi Akademiyası
«Dəyərlər» Dini Jurnalistika Məktəbinin dinləyicisi