xeberler

ABŞ hərbçiləri yenə dinc sakinləri öldürdü

Amerika ordusu Mosul ətrafında «Əl-Qaidəyə» qarşı keçirilən əməliyyatlarda öldürülənlər arasında 1 qadınla 1 uşağın olduğu 4 mülki vətəndaşın olduğunu açıqlayıb. (AA)
Ordu qadınla uşağın Mosulun cənubunda hədəf alınan bir yerin içində öldüyünü iddia edib. Əməliyyatda silahlı iki nəfərin də öldürüydüyü bildirilir. Amerika ordusunun açıqlamasında hücumda mülki şəxslərin ölməsindən "üzüntü keçirdiyini" qeyd edib.



Amerika jurnalisti ABŞ-ı terrora dəstəkdə ittiham etdi

Seymur Herş: “Son altı ay içində İsrail və Amerika, Azad Həyat Partiyası adıyla tanınan qrupa dəstək verir. Qrup, İrana qarşı sərhəd arxasından terrorist hücumlar təşkil edir. İş o yerə çatıb ki, bir hökumət məsləhətçisi İrana təzyiq tətbiqinin alternativ yolu olaraq terror hücumlarının həyata keçirildiyini söylədi. Müdafiə nazirliyi kürd və beluc tayfa liderləriylə gizli əlaqələr qurmuşdur. İran rəhbərliyinin xüsusilə şimal və cənub bölgələrindəki nüfuzunu ortadan qaldırmaq üçün edilən səylərə dəstək verirlər''.
«ABŞ Konqresi, Orta Şərqdə dəstəklədiyi terror təşkilatları üçün 300 milyon dollarlıq büdcə ayırdı. Bu təşkilatlar arasında ABŞ-ın ən çox güvəndiyi terror təşkilatları isə PKK və PJAK-dır!».
ABŞ, terrora verdiyi dəstəyi artıq dilə gətirməkdən də utanmır və çəkinmir. Rəsmi hesabatlarda belə ABŞ-ın PKK terror təşkilatı və PKK-nın İranda fəaliyyət göstərən qolu PJAK-la olan əlaqəsi sübut edilir. Məşhur Amerikalı jurnalist Seymur Herş (Seymour Hersh) də ABŞ rəhbərliyinin İrana qarşı PKK-nın bu ölkədəki davamı olan PJAK-ı dəstəklədiyini yazdı.
ABŞ-ın terrora verdiyi dəstək sənədləşdirilir. ABŞ-a verilən rəsmi dövlət hesabatlarında konkret sənədlərlə ABŞ-ın PKK terror təşkilatı və PKK-nın İran qolu PJAK-la olan əlaqəsi sübut edilir. Bu gün ABŞ, yalnız Şimali İraqdakı tayfa quruluşlanmasını dövlətləşdirmək, ordulaşdırmaq və gücləndirmək üçün çalışır. Eyni zamanda bölgədə möhkəmlənməyə çalışan terror təşkilatı PKK-ya hər cür maddi dəstəyi, siyasi-əsgəri qorumanı, silahı, yeməyi, mərmini, gülləni və digər dəstəyi təmin edir. Onlara əsgəri və siyasi qoruma qalxanı meydana gətirir. («Milli qəzet», Türkiyə)


Konqres terrorçu hesab etdiyi qruplaşmalara 300 milyon dollar ayırdı

ABŞ-ın eks müdafiə naziri Donald Ramsfeld ilə əlaqədar bir kitab müəllifi olan amerikalı yazar Andrey Kokbön, "terror təşkilatları" siyahısında iştirak etməsinə baxmayaraq, Tehrana qarşı döyüşən «İran Xalqının Mücahidləri» adlı qanlı terrorçu qruplaşmaya maddi qaynaq yolunun açıldığını ifadə etdi. Yazar, İranın Belucistan bölgəsində fəaliyyət göstərən «Gündullah» təşkilatına dəstək verilə biləcəyini də ifadə edib. Daha sonra Kokbön, ABŞ-ın kömək və dəstəyindən İrandakı kürd milliyyətçi ünsürlərin və ərəblərin "Əhvazi" qurumunun da faydalanacağını ifadə edib. Livanda Hizbullahın əməliyyatlarında Suriyanın sabitliksizləşdirmədə günahlandırılması yenə gündəmdə olduğunu ifadə edərək Kokbön, bu planların tətbiq olunması məqsədiylə əvvəlcə istifadə ediləcək 300 milyon dollar üçün Konqresdən təsdiq alındığını da yazdı.
ABŞ İrana qarşı terror təşkilatı PJAK-ı "rəsmi olaraq" dəstəkləyir. Məşhur amerikalı jurnalist Seymur Herş “ABŞ rəhbərliyinin İrana qarşı PKK-nın bu ölkədəki davamı olan PJAK-ı dəstəklədiyini” yazdı. “Nyu-York” adlı jurnalda nəşr olunmuş məqaləsində Herş, “Sonrakı addım” başlıqlı məqaləsində İrana istiqamətlənən ABŞ rəhbərliyi daxilindəki "planları" izah edərək ABŞ-ın hücum hazırlığı etdiyini dilə gətirdi. Herş Buş rəhbərliyinin İrandakı PJAK-a təlim keçdiyini və sursatla təmin etdiyini söylədi: “Gizli əlaqə yaradıldı. Son altı ay ərzində İsrail və Amerika, Azad Həyat Partiyası adıyla tanınan qrupa dəstək verir. Qrup, İrana qarşı sərhəd arxasından terrorist hücumlar təşkil edir. Bir hökumət məsləhətçisi «İsrailin bu kürd qrupa çörək və təhsil verdiyi»ni açıqlayıb. Eyni zamanda qrupa İran içində ABŞ-ın mənfəətlərini maraqlandıran hədəflərin siyahısının da verildiyini ifadə edib." - deyə Herş, məqaləsində yazır. («Milli qəzet», Türkiyə)


ABŞ silahları PKK-da

Keçmişdə ABŞ təyyarələrinin Türkiyə dağlarındakı PKK terroristlərinə yemək və sursat atdıqları, türk ordusu tərəfindən əhatə edilən bəzi PKK-çı qrupların ABŞ vertolyotları tərəfindən alınaraq Şimali İraqa aparıldıqları şəxsən Türk ordusunun təsbitləri ilə müəyyən olundu. ABŞ və İsrail xüsusi hərbi zabitlərinin PKK-çılara partizan təlimi keçdikləri sənədləşdirildi. Son olaraq ən müasir ABŞ hücum silahları öldürülən PKK-çıların üzərində ələ keçirildi.
Etirafçılar, silahların ABŞ hərbi vasitələri tərəfindən PKK düşərgələrinə gətirildiyini açıqladı. Edilən araşdırmalarda ABŞ ordusunun, xüsusi təhlükəsizlik şirkətləri vasitəçiliyi ilə PKK-nı silahla təmin etdiyi ortaya çıxdı. («Milli qəzet», Türkiyə)


İran ordusu PKK-ya zərbələr endirdi

Cabbar Assistant: “Şamın İran tərəfində olan Çasusan və Doletuk bölgəsində İran ordusu ilə PKK və PJAK arasında şiddətli vuruşmaların baş verməsi bildirilir. Son günlər bu qarşıdurma mütəmadi olaraq davam edir.''
İran ordusu ilə terror təşkilatları PKK və PJAK arasında sıx qarşıdurma Şamın İran tərəfində daha da kəskinləşdiyi iddia edildi. Yerli qaynaqlar, qarşıdurmaların İraq tərəfində qalan Kaledıza bölgəsi ilə İran tərəfindəki Sərdəşt, Konemışk, Mahabat və Piranşar bölgələrində meydana gəldiyini söyləyiblər.
İraqın şimalındakı PKK döyüşçülərinə bağlı olduğu nazirliyin spikeri Cabbar Assistant, bölgədə qarşıdurmaların yaşandığını təsdiqləyərək, belə deyib: ''Sərhəddəki qarşıdurmada kimlərin olduğunu dəqiq olaraq bilmirik, ancaq sıx qarşıdurmalar olduğu yolunda məlumat almışıq. Şamın İran tərəfində olan Çasusan və Doletuk bölgəsində İran ordusu ilə PKK və PJAK arasında sıx qarşıdurmaların olması bölgədən gələn xəbərlər arasındadır. Son günlər bu qarşıdurma mütəmadi olaraq davam edir.'' (AA)


ABŞ-ın BMT-dəki keçmiş səfiri: «Amerikalılar düşünür ki, İsrail ABŞ-ın başına bəla olmaqdan başqa bir şey deyil»

ABŞ başçısı Corc Buşun da şəxsən qatılacağı qeyd edilən, “Vaşinqton Post”un nəşr olunan bir şərhində, İsrailin müstəqillik elanının tanınması mövzusu ABŞ rəhbərliyində əhəmiyyətli bir çat gətirib çıxardığı ortaya çıxdı. ABŞ-ın BMT-dəki keçmiş səfiri Riçard Holbrouk (Richard Holbrooke) qeyd edir ki, bir çox amerikalı bu gün elə hesab edir ki, o zamankı ABŞ prezidenti Trumenin İsraili tanıma qərarı bir xarici siyasət deyil, daxili siyasət qərarı olub. Bir çox amerikalı düşünür ki, İsrailin ABŞ-ın başına bəla olmaqdan başqa bir şey deyil.
Bill Klinton dövründə ABŞ-ın BMT səfirliyini edən və Bosniyada sülhün memarı olaraq xatırlanan Riçard Holbrouk (Richard Holbrooke) tərəfindən qələmə alınan şərhdə, İsrailin müstəqilliyini elan etdiyi gün, dövrün ABŞ prezidenti H.Truman (Hary Truman) ilə başda Xarici işlər Naziri Corc Marşal (Corc Marshall) olmaq üzrə Amerika Xarici İşlər İdarəsi arasında İsrailin tanınması mövzusunda böyük bir anlaşılmazlıq yaşandığı və bu müzakirələrin dövlət içində bu günə qədər sürdüyü qeyd edildi.
Holbroukun açıqladığı bir başqa maraqlı məlumat isə, Truman tərəfindən imzalanan orijinal tanıma mətnində iştirak edən “Yəhudi dövləti” ibarəsinin, daha sonra Trumanın daxili siyasət məsləhətçisi Klark Kliford (Clark Clifford) tərəfindən çəkilərək, əl yazısıyla “İsrail dövləti” şəklinə çevrildiyi bildirilir. Müstəqillik əsnasında adı olmayan İsrailin, müstəqillik elanından sonrakı ilk həftə içində adı dəqiqləşmişdi. Bu sənəd, ABŞ-ın hələ adı dəqiqləşməyən yəhudi dövlətinə, daha 14 may gecəsi “İsrail dövləti”' dediyini ortaya çıxardı.
ABŞ rəhbərliyindəki dərin çat, İsrailin müstəqilliyini elan etməsinə 2 gün qalmış Amerikanın münasibətini təyin etmək üçün ölkə başçısı Truman, Xarici işlər və Müdafiə nazirlərinin qatıldığı yığıncaqda üzə çıxmışdır. O zamanın xarici işlər naziri Corc Marşal və müdafiə naziri Ceyms Forrestal (James Forrestal) İsrailin tanınmasına qarşı şiddətlə çıxaraq, bölgənin bir bütün olaraq BMT himayəsinə verilməsini müdafiə etmişlər.
Truman ilə yığıncağa qatılan daxili siyasət müşaviri Klark Kliford isə İsrailin tanınmasının lazım olduğunu müdafiə etmişdir. ABŞ müdafiə nazirliyini də tənqid edən Kliford, o dövrdə yanında işləyən Holbroukə, söz gedən müzakirələrin yaşandığı günlərdə dövrün Müdafiə Naziri Forrestalın özünə, “Bir tərəfdə 30 milyon ərəb, digər tərəfdə 600 min yəhudi var. Niyə həqiqətlə üzləşmirsiniz?” deyə danladığını da izah etmişdir.
Holbrouk bu gün bir çox Amerikalının Trumanın İsraili tanıma qərarının bir xarici siyasət deyil, daxili siyasət qərarı olduğunu düşündüyünü ifadə edərək, bu fikirdəkilərin İsrailin ABŞ-ın başına bəla olmaqdan başqa bir şey olmadığına inandığını da ifadə etib… (Richard Holbrooke/Xəbər/Zaman)


Məşhur dəvətçi Əhli-beyt (ə) davamçısı oldu

Şeyx Həbib Cifri Ayətullah Sistanini mərceyi-təqlid kimi seçdi. Şeyx Həbib Cifri Əhli-beyt təriqətinə daxil olduğunu və Ayətullah Sistanini mərcisi olaraq qəbul etdiyini elan etib. (İraq xəbər)
İslamın sünnilik qoluna aid olan məşhur dəvətçi Şeyx Həbib Cifri Əhli-beyt təriqətinə keçdiyini bəyan etdi. Keçdiyimiz cümə axşamı “İqraa” kanalına verdiyi reportajda üç il boyunca müqayisə etməli təriqətlər oxuduğunu ifadə etdi və sonunda Əhli-beyt (ə) ardıcıllığının digər təriqətlərə görə haqq olduğu nəticəsinə gəldiyini söylədi.
Həbib Cifti bildirdi ki, Əhli-beyt İmamlarının hamıdan daha çox təbərrükə layiq olduğu qənaətindədir.

Xəbərləri hazırladı:

Mehdi Fərəc
İmam Sadiq (ə) adına İslam Maarifi Akademiyası
«Dəyərlər» Dini Jurnalistika Məktəbinin dinləyicisi