İndi də Nizami rayonu icra hakimiyyəti və Nar mobile.
Son zamanlar ölkəmizdə Azərbaycanımızın milli atributlarına qarşı rəsmi orqanların hörmətsizliyi gündəmdən düşmür. Belə ki, əgər xatırlayırsınızsa bu yaxınlarda bir qrup dövlət rəsmisi Azərbaycan Cümhuriyyətindən miras qalmış üç rəngli bayrağımızın dəyişdirilməsini gündəmə gətirməyə cəhd etmişdilər. Lakin onların bu cəhdi uğursuzluqla nəticələndi.
Bayrağımıza hörmətsizlik edənlər işərisində Bakı şəhər İcra hakimiyyəti öncül yerləri tutur. Belə ki, hətta bu dövlət orqanında cırıq bayrağı dalğalandırmaqdan belə xəcalət çəkmirlər.
Ən acınacaqlı hal isə odur ki, bayrağımıza hörmətsizlik edənlərin siyahısı günü-gündən böyüməkdədir. Bu siyahıya yenicə daxil olan isə Nizami rayon İcra hakimiyyəti və “Nar mobile”dir. Belə ki, Nizami rayonu İcra hakimiyyətinin qarşısında dalğalanan bayrağın cırılmağı onların heç ruhunu da incitmir. İş günü olduğundan heç şübhəniz olmasın ki, icra başçısı bu hadisədən xəbərdardır.
Əhali arasında gəzən söhbətlərə inansaq deyə bilərik ki, bayrağımıza hörmətsizlik edən Nizami rayonu İcra hakimiyyəti tək deyil, bu işdə ona “Nar mobile” şirkəti köməklik edir. Çünki, məhz həmin bayrağı adı çəkilən şirkət ötən il quraşdırıb. Səbəbi isə aydındır özünün ötürücüsünü quraşdırmaq.
Hər bir Azərbaycan vətandaşı olan kəsin Azərbaycanın milli atributlarına hörmətlə yanaşması vacib şərtdir. Bu hətta Azərbaycan Konstitusiyasında da öz əksini tapmışdır. İnanıram ki, hər bir şəxs kimi Azərbaycanın dövlət orqanları və o cümlədən ölkədə fəaliyyət göstərən yerli və xarici şirkətlər bayrağımıza hörmətlə yanaşacaqlar.
Qaraca torpağı vətən görmüşəm.
Zəfər güllərini dövri-qədimdən
Bayraq işığında bitən görmüşəm.
Bayraq mənliyimdir, bayraq kimliyim,
Bayraq-öz yurduma öz hakimliyim.
(B. Vahabzadə)
İmam Sadiq (ə) adına İslam Maarifi Akademiyası
«Dəyərlər» Dini Jurnalistika Məktəbinin dinləyicisi
Комментариев нет:
Отправить комментарий