Hal-hazırda ölkəmizdə işsiz qlanların sayı çoxalıb. Məhz bu səbəbdən cəmiyyətimiz maliyyə problemi yaşayır. Xüsusən cavanlar iş tapmadıqları üçün və yaxud işləyib əldə etdiyi maaşla dolana bilməyəcəyindən narahatdır. “Ailə qurmaq istəyirsiniz?” deyə cavanlara müraciətimizin cavabında ”Özümü güclə dolandırıram, ailəmə necə baxacam?” – cavabını eşidirik. Və yaxud: ”İş tapmaq olmur! Aldığım maaşla dolana bilmirəm!”.
Buna bənzər cavablara görə cavanlarımız pul sarıdan çətinlik çəkirlər. Və elə buna əsasən evlənmək də istəmirlər. Valideynlər də evlilik xərcini çatdıra bilmədikləri üçün övladlarının xeyir işlərini geçikdirirlər. Axırda cavanlarımız evlənməkdən boyun qaçırmalı olurlar. Kimə sual verirsənsə, şikayət edir. Evsizlik, pulsuzluq üzündən əziyyət çəkən cavanlar axırda həmişəlik subay qalmağa imza atırlar.
Hər yaşın öz gözəlliyi var. Nəslin artımı bir millətin əsgərləri deməkdir. Burada Qəzza hadisəsi yadıma düşdü. İsrailin vəhşiliklə qətlə yetirdiyi cavan, körpə ondan ötrü idi ki, birdəfəlik nəsillər kəsilsin. Lakin çirkab arzuları həyata keçmədi və keçə də bilməz. Allah istəmədiyi bir işi zalım qövm sayılan israillilər necə həyata keçirə bilər?! İllər keçəcək, yenə də qəzzalilar ailə qurub nəsil artıra biləcək. Məhz düşmənə cavab verməkdən ötrü, necə ki, qarışqalar qış tədarükü görərək özlərinə yem daşıyıb məxsus yerlərdə saxlayırlar.
Bizlər də hər işimizi tədarüksüz etməməliyik. Millətin qayğısına qalınmasa, ən əsas onlara lazım olan təlabatlar yerinə yetirilməsə, çatdırılmasa, əlbəttə daima uduzmuş olacağıq.
Tez- tez işlətdiyimiz bir söz var: “Ailə cəmiyyətin əsasıdır”. Əlavə edib deyərdik ki, ailəsiz cəmiyyət mümkün deyil! Və iki fərdin ailə qurmaqdan ötrü min cür çətinliklər çəkməsi onu göstərir ki, sənin ölkən zəifdir. Əgər bir ölkədə ailə qurmasalar, onda ölkədə nəsil artımından danışmaq lazım deyil. Və bilməliyik ki, bu vətənin hər bir övladı vətən üçün gərəklidir. Gərək övladlarımızın, vətən cavanlarının qeydinə qalaq.
Zeynəb Aslanova
İmam Sadiq (ə) adına İslam Maarifi Akademiyası
«Dəyərlər» Dini Jurnalistika Məktəbinin dinləyicisi
Комментариев нет:
Отправить комментарий