ALƏMLƏRƏ

Aləmlərə, meydan oxuyan can nə apardı

Olmuş bu həyat mülkünə heyran, nə apardı

Sadiq olub Allaha əzəl gün yaranandan

Müxlis qul ikən Rəbbə Süleyman nə apardı

Tutmuşdu təkəbbür yolunu, firon ilən qövmü

Yar oldu alov-atəşə həmman nə apardı

Söndürməyə cəhd eylədi Həqq nurunu şahlar

Bərzəxdədir, müflis, bu cahandan nə apardı

Xeyrül-əməli tərk edən ləll eşqinə düşdü

Məyusdu bu sevdadə, bədəxşan, nə apardı

Pişvaz elədi Qarunu, qövmü həsəd içrə

Gömüldü yerə dövləti, nadan nə apardı

Dünyanı sevən - şümrütək lənətlənəcəkdir.

Həzrət Hüseyni eylədi al-qan, nə apardı

Ey Qəmgüzar, idrak ilən sən bax, bu cahanə

Dünya özü xülyadısa, mehman nə apardı.

Qiyas Qəmgüzar

Ya Qərib

Ey Rza, ya pakizə məsum olanım, ya Qərib,

Ruhu gülzar içrə cismindəm solanım, ya Qərib

Silsilətüz-zəhəbindən iqrar etdin bir hədis

Mərv, Nişapur vəcdə gəlmiş həqq yayanım, ya Qərib

Səqəleyndir əmanət çün dinər Məşhər günü

Möhtərəmdir,Əhli- Beyt ilən, ya Qərib

Zəvvarın olmuş, fəqirlər höccət etmiş Rəbbidən

Lütvü Allahdan şəfahətdir həyanım, ya Qərib

Vardır istək təffab etməkçün ziyarət qəbrini

Sönməyən parlaq hərəmində dolanım, ya Qərib

Sən Əli övladısan ki, taxtı- tacda yox gözün

Tac ola aləm edər hüsni nihanım, ya Qərib

Yox Nəbi, Həzrət Əli, halına Zəhra ağlasın

Qəsd olunmuş canıva, qurban bu canım, ya Qərib

Qəmgüzartək çoxdu hümmətlərdə rətbət sizlərə

Çün bitər həsrət, gələr Sahib-Zəmanım, ya Qərib.

Qiyas Qəmgüzar

AYLARIN SULTANI

Sən şeytanın ayağını sındıransan,

Pıçıldayan dilinə kilid vuransan,

Cəhənnəm azuqəsini yandıransan

Yandır günahlarımı, sən ey ayların sultanı!

Gəlişinlə haram bildik özümüzə halalı

Oruc qüvvətli edər həm cismi, həm də canı

Təmizlə damarda qanı, işıqlandır zəkamı

Yandır günahlarımı, sən ey ayların sultanı!

İki halda keçirər oruc tutan xoş halı-

Biri Qiyamət günündə, biri iftar zamanı.

Səni düzgün yaşayan büdrəməz, keçər Siratı

Yandır günahlarımı, sən ey ayların sultanı!

Gecələrin ən üstünü səndə tapıbdır qərarı,

Bu gecədə bağışlayar Rəbbimiz tövbəkarı,

Vasitənlə imzalanıb bir çox əvflərin fərmanı

Yandır günahlarımı, sən ey ayların sultanı!

Həsənin təvəllüd ayı, Əlinin şəhadət ayı,

Son cümən Qüdsü yad edir, müsəlmanın vəhdət ayı,

Ürək edincə tövbəni, dil deyincə istiğfarı

Yandır günahlarımı, sən ey ayların sultanı!

Fəqirə ruzi yetirən Ğəninin ziyafət ayı,

Məxluqun gecə və gündüz Xaliqə ibadət ayı,

Fürsət düşüb, açıqkən üzümə cənnət qapıları

Yandır günahlarımı, sən ey ayların sultanı!

Günel Hüseynli,
İmam Sadiq (ə) adına İslam Maarifi Akademiyası

«Dəyərlər» Dini Jurnalistika Məktəbinin dinləyicisi

Fürsətdir

Fürsətdi, yetək Xaliqə, mehman ramazanda

Zəncirlənər,eylər sükut, şeytan ramazanda

Nemətdi bu ay, batinini dərk edə bilsək

Məhbustəki, azad olar, insan ramazanda

Bihudə keçən ömrünü, yandır orucunla

Əfh eyləyər inşallah ki,Rəhman ramazanda

On bir ay üçün, möcüzə, sultan seçilibdir

Aləmlərə rəhmət gəlib Quran ramazanda

Mömündü o kəs, göz-qulağı, dili orucdur

Təcəlla edər imanına, nurdan ramazanda

İslahi-məğfirətilən əhvin məqamıdır,

Vasitə qoyub məqamını, Subhan ramazanda

Adəm bu cahan içrə olub, Faili-Muxtar

Nəhy eylə,qoru cismini oddan ramazanda

Həsrətlə Əli Məşuqə qovuşmaq həvəsiylə

Vüsalına çatmış, o vücud can ramazanda

İlahi ziyafətdədir müşkülləri həlli

Nəsib olar, Zəvvarına fürqan ramazanda

Ey Qəmgüzar, kaş əlbir ola

Əhli-müsəlman cahan içrə

Vəhdət edə on iki ayı hər yan ramazanda

Qiyas Qəmgüzar

Səndədir

Ey Xuda mən ki, zəliləm.

Hər gümanım Səndədir.

Köksümü aç, bəhrələnsin ki,

imanım Səndədir.

Qoyma tənha çün məni,

Dönnəm günahkar kimsəyə

Qəlb olar rahət

Əgər bilsəm,hər anım Səndədir.

Doğma yurda bənzərəm

Hərçənd müsafir bəndəyə,

Nuruna ruhum mühacirdir

Həyanım Səndədir.

Lövhi-məhfuzdan yetirmiş

Cəbrayıl hər ayəni

Xaliqim sənsən yeganə

Çün Quranım Səndədir.

Şakirəm ki, cüt bahar

Olmuş nəsib, naməmdədir

Rəhm elə lütvünlə əhv

Xəzanım Səndədir.

Məyusi-hicrani möhnətə

Giriftar bəndəyik.

Qeybini zahir elə

Sahibi- Zamanım Səndədir

"Beytul-əhzan"sahibin

Fəryadının xatirinə

Ərmağan et, hövzeyi-Kövsər

Məkanım Səndədir.

Qəmqüzaram təqib etmişdir

Qəmi həsrət məni

Sabir ollam zillətə

Rüsxət rəvanım Səndədir.

Qiyas Qəmgüzar

Et nəzər

Et nəzər,qəlbin gözüylə,

gör nə halət içrəyik

Yurdda yurdsuz qalmışıq

güya ədalət içrəyik

Dini satdıq dinarə

keçmişmizə lağ etmişik

Əqlə hakim,nəfsimizdir,

çün cəhalət içrəyik

Olmuşuq biganə

Təvəlla-təbərra əhlinə

Səmti zülmətdə arıb,

zülmi zəlalət içrəyik

De qəbul eylərmi Rəbb

təqsirini iqrar eyləsən

Gözlərin şahid, duyan

qəlbinlə ayət içrəyik

Bir şəhadət kəlməsidir

fərqimiz müşrük ilə

Çün uzaq düşdük

Firuiddindən xəcalət içrəyik

Qəmgüzar, xeyrul-əməllə,

nəhy-əz münkər ilə ol

Yəqin et ,çün qalmasın

şübhən dəlalət içrəyik

Qiyas Qəmgüzar

XEYLİ ZAMANDAN BƏRİDİR

Haqq dilimin əzbəridir, xeyli zamandan bəridir,
Xeyli zamandan bəridir, xeyli zamandan bəridir.

Əzbər olubdur dilimdə xoş, şirin sözüm Bakımız,
Dövlətin vuran ürəyi ay canım, gözüm Bakımız,
Kimsə bilirmi görəsən bəs nədən bizim Bakımız
İndi fəsad məzhəridir xeyli zamandan bəridir.

Müşkülə səbr eyləməyə taqətimiz çoxdu bizim,
Torpağımızla neftimiz, sərvətimiz çoxdu bizim,
Bizdə qalıb kimin gözü dəvətimiz çoxdu bizim,
Gəl, yenə kim müştəridir xeyli zamandan bəridir.

Arxayın etdin ki, məni sən, bunu dərd eyləməyim,
Torpağı zəbt eylədi düşmən, bunu dərd eyləməyim,
Siz bunu dərd eyləməyin, mən bunu dərd eyləməyim,
Bəs bu kimin dərd-səridir xeyli zamandan bəridir.

Keyfə istirahətə get, fikr eləmə zərrə qədər,
Lövbər ata bilməz axı siz tərəfə qüssə - kədər,
Bircə dəfə bax kasıba, ömr eləyir gör nə təhər,
Bir sümükdü, bir dəridir xeyli zamandan bəridir.

Ta unudandan Onu bu, bu unudubdur özünü,
Dil deyə bilmir sözünü, nəfsi deyir öz sözünü,
İştaha bəh-bəh eləyir, heç çəkə bilmir gözünü,
Hey yeyir, sökür, əridir xeyli zamandan bəridir.

Hey yedin, içdin demədin qonşu qalıb qəmdə mələr,
Vecinə də olmadı heç, baş verir ətrafda nələr.
Gizlin olanlar açılar, məhşərə birlikdə gələr,
Kim ki, kimin yavəridir xeyli zamandan bəridir.

Gər toxumun Sən səpəsən, bəhrəsi düzgün yetişər,
Elmi - kəramət bağının meyvəsi üstün yetişər.
Hiyləgərə hiylələri şahid olan gün yetişər...
Şahid əməl dəftəridir xeyli zamandan bəridir.

Şahin Qurbanov
İmam Sadiq (ə) adına İslam Maarifi Akademiyası
«Dəyərlər» Dini Jurnalistika Məktəbinin dinləyicisi

HAQQI ELƏYƏR BƏRPA

Qəmdən üzülüb canım,
Nahaqq tökülüb qanım,
Qalxıb göyə əfqanım...
Gizlindədir imkanım,
Gəlmir hələ dövranım,
Qopmur hələ tufanım.

Haqqın səsi yüksəlmir,
Məzlum niyə dirçəlmir?
Zalım axı dincəlmir,
Göydən də bəla gəlmir.

Gözlərdən asıb pərdə
Hər yanda durub hərbə.
Heç qayğı olar zərbə?
Kim bunda düşər şəkkə?
Bu mərmidi, bu qəlpə!
Rəhm eyləmədən zərrə
Öldürdü neçə körpə.
Kim etsə buna qibtə
Lənət ona əlbəttə!

Haqqı tanıyan aqil
Zülm etməz, olar adil.
Kim olmadısa qafil
Oldu ona da şamil.
Dəryanı tutar sahil
Dərk etməsə də cahil
Cahil də ora daxil.
Hər bir işi naqabil
Hər yanda ötər dil - dil
Axır gələr Əzrayil(ə),
Surun çalar İsrafil(ə),
Mənsə bir işə mail,
Ol işdə ola təcil.

Mən səslərəm Allahi,
Gizlinlərə agahi.

«Rəbbim, bizə imdad et,
Nadanları bərbad et,
Qəmdən bizi azad et,
Xoş vədən ilə şad et».

Rəbbim əsil Hakimdir,
Hər şey ona təslimdir.
Üsyan eləyən kimdir?
Zalimdir o, zalimdir.

Qəlbimdə qalıb yarə,
Çarə qalıb izharə.
Məlunlara, küffarə
İmkan düşə bir parə
Gündüz də olar qarə,
Aləm də gələr zarə.
Elan olar aşkarə
Zalim çəkilər darə.

Döndükcə duran dünya
Olmaz əbədi əsla.
Haqq qalsa da bir damla
Bir gün daşırar dərya.
Olmaz bu fikir xülya
Gülşən yetirər səhra.
Allah həqiqi əla
Zülmü eləyər ifşa.
Haqq haqqa olub arxa
“Haqqı eləyər bərpa!”

Şahin Qurbanov
İmam Sadiq (ə) adına İslam Maarifi Akademiyası
«Dəyərlər» Dini Jurnalistika Məktəbinin dinləyicisi

BAHALIQDA

Şeytan atır insanlara qırmaq bahalıqda,
Məhbəs sayı artır, həm dustaq bahalıqda.
Ortağına qardaş dedi xoş günlər olanda
Qardaşını aldatdı o ortaq bahalıqda.
Ağlın var əgər çap - tala xalqı, kasıb olma
Tərpənmə, uzan öl, sən ay axmaq, bahalıqda.
Vicdanı olan üçün olur gündüzü qarə
Hakimlik edir yüksəyə alçaq bahalıqda.
Onsuz ədəb - ərkanı unutmuşdu şərəfsiz,
Meydan oxuyur iffətə çılpaq bahalıqda.
İsmətli alır ərzağı tullantı olanda
Üryanların olmuş damağı çağ bahalıqda.
Durbinlə baxır ət - yağa biçarə cəmaət,
Keçdi o keçən, nuş elə qursaq bahalıqda.
Millət yaşayar şah kimi qiymət bahalaşsa,
Biçarələrə çarə var ancaq bahalıqda.
Şükr eylə quru əppəyə, qaymaq nədi bilmə
Korluqla dolan cırmağa - cırmaq bahalıqda.
Vəd oldu ki, ac qalmayacaq məmləkətimdə,
Qalmaz vətənimdə daha ac sağ bahalıqda.
Neftin nə kimi faydası var görmədi fağır,
Artmaqdadı qiymət bu fırıldaq bahalıqda.
Əhsən sənə, əhsən sənə ey iblisi-bədnam,
Etdin bu avam kütləni yaltaq bahalıqda.
Şahin Qurbanov
İmam Sadiq (ə) adına İslam Maarifi Akademiyası
«Dəyərlər» Dini Jurnalistika Məktəbinin dinləyicisi

HAQQI ELƏYƏR BƏRPA

Qəmdən üzülüb canım,
Nahaqq tökülüb qanım,
Qalxıb göyə əfqanım...
Gizlindədir imkanım,
Gəlmir hələ dövranım,
Qopmur hələ tufanım.

Haqqın səsi yüksəlmir,
Məzlum niyə dirçəlmir?
Zalım axı dincəlmir,
Göydən də bəla gəlmir.

Gözlərdən asıb pərdə
Hər yanda durub hərbə.
Heç qayğı olar zərbə?
Kim bunda düşər şəkkə?
Bu mərmidi, bu qəlpə!
Rəhm eyləmədən zərrə
Öldürdü neçə körpə.
Kim etsə buna qibtə
Lənət ona əlbəttə!

Haqqı tanıyan aqil
Zülm etməz, olar adil.
Kim olmadısa qafil
Oldu ona da şamil.
Dəryanı tutar sahil
Dərk etməsə də cahil
Cahil də ora daxil.
Hər bir işi naqabil
Hər yanda ötər dil - dil
Axır gələr Əzrayil(ə),
Surun çalar İsrafil(ə),
Mənsə bir işə mail,
Ol işdə ola təcil.

Mən səslərəm Allahi,
Gizlinlərə agahi.

«Rəbbim, bizə imdad et,
Nadanları bərbad et,
Qəmdən bizi azad et,
Xoş vədən ilə şad et».

Rəbbim əsil Hakimdir,
Hər şey ona təslimdir.
Üsyan eləyən kimdir?
Zalimdir o, zalimdir.

Qəlbimdə qalıb yarə,
Çarə qalıb izharə.
Məlunlara, küffarə
İmkan düşə bir parə
Gündüz də olar qarə,
Aləm də gələr zarə.
Elan olar aşkarə
Zalim çəkilər darə.

Döndükcə duran dünya
Olmaz əbədi əsla.
Haqq qalsa da bir damla
Bir gün daşırar dərya.
Olmaz bu fikir xülya
Gülşən yetirər səhra.
Allah həqiqi əla
Zülmü eləyər ifşa.
Haqq haqqa olub arxa
“Haqqı eləyər bərpa!”

Şahin Qurbanov
İmam Sadiq (ə) adına İslam Maarifi Akademiyası
«Dəyərlər» Dini Jurnalistika Məktəbinin dinləyicisi

SABİRCƏSİNƏ

Edəlim çevrəmizə təsiri Sabircəsinə.
Duyalım dərdimizi biz diri Sabircəsinə.

Yenə biçarələrin haqqı “o başdan” basılıb
Dili yoxdur deməyə gör necə küncə qısılıb
Belə biçarələr üçün təzə kəndir asılıb
Yığışıb vəsf eləyək kəndiri Sabircəsinə.

Bu “göyün rəngi açıqdır”, adı da “azlıqdır”.
Gedir əldən ədəb-ərkan, nə hüquqbazlıqdır?
Sonu ya tozsovuran, ya da xəkəndazlıqdır
Bu sözün var, nə gözəl təbiri Sabircəsinə.

Kimi “ qondarma qırımla” yenə kor-haqqa durub,
Kimi dünyadə əsayiş külünü lap sovurub,
Bahalıq da nə fason, kürsüdə möhkəm oturub
Nəzər altında tutaq şəntiri Sabircəsinə.

Toxunaq qəlbi yaran hadisənin bircəsinə
Bağırır oğru, qalır doğru müqəssircəsinə.
“Sözü - azad” eləyir tənqidi təhqircəsinə?
Edərik lap irisindən iri Sabircəsinə.

El-oba dərdi-qəmindən gülünün rəngi solub,
Baxıb öz millətinin müşkülünə qəlbi dolub.
Deyəcəkdir ki, müsəlmançılığa qarşı olub
Hələ dərk eyləməyən Sabiri Sabircəsinə.

Qəminə görməsə diqqət bu cəmaət usanar
Necə səbr eyləsə də sonda nəhayət usanar
Qələmin də eləməz əmrə itaət usanar
Həmişə çoxdu canım, zahiri Sabircəsinə.

Gözü yollarda qalan xoş xəbərin şaiqidir,
Gecələrdən usanan “nurlu - səhər” aşiqidir,
Nə qədər gözləsə də şiələri sadiqidir
Sonadək səbr eləyər hər biri sabircəsinə!

Şahin Qurbanov
İmam Sadiq (ə) adına İslam Maarifi Akademiyası
«Dəyərlər» Dini Jurnalistika Məktəbinin dinləyicisi

SƏN

Səni dərk etməyən könlüm duyuq düşdü hüzursuzdur.
Qəmindən qovrulan bikəs sevincsizdir, sürursuzdur.

Sən hər qəmli gözün nəmli olan halın görən kəssən
Sənin elmin hüdudsuzdur, sənin ismin qüsursusdur.

Sən hər tənha, sən hər məzlum - giriftarə ümidsən ki,
Əlin səndən üzən bəndə - bu yəqindir - şüursudur.

Sənə hər kim ola sadiq, ona təzim edər aləm
Önündə kim əyilməzsə o, cahildir, qürursuzdur.

Səni səslər, səni istər sənə müştaq olan bəndə
Bunun əksi olan halda həyatı cümlə nursuzdur.

Məni yoxdan edib mövcud, verib ruzi təmənnasız
Ona üsyan olan hər bir yolun xətmi uğursuzdur.

Şahin Qurbanov
İmam Sadiq (ə) adına İslam Maarifi Akademiyası
«Dəyərlər» Dini Jurnalistika Məktəbinin dinləyicisi

Nə qədərdir?

Olmuş, olur, həm də olacaq can nə qədərdir?
Məchul olar, qəlblərdəki iman nə qədərdir?
Hey zahiri tutduq, sevərək malı əzəldən
Batmış ləli-gövhər yerə yeksan nə qədərdir?
Qəflətdən oyan, sən namazı təxirə salma
Rəbbdən savayı kim bilir imkan nə qədərdir?
Taxta-taca nübuvvətliyə sahibdi Süleyman
Bu qismidə Sultan yaranışdan nə qədərdir?
Quranı qirayət edib, “Ad” qüvmə nəzər sal
Xarabə qalan yurdları viran nə qədərdir?
Zənnə qapılıb eyb eləmə hər kəsi gürcək
Əvvəl özünə sal nəzər, nöqsan nə qədərdir
Zühur gününün Qaimi, mütləq gələcəkdir
Məhvuzda yaradan bilir hicran nə qədərdir
Ey Qəmgüzar, yox qorxu hidayət gəmisində
Hifz eyləyər, Allah qopa tufan nə qədərdir?

Qiyas Qəmgüzar

Muhəmməd eşqinə

Pərvərim tapmış cahan, Muhəmməd eşqinə
Abu-kövsər, müntəha, cənnət Muhəmməd
eşqinə
Xəlq edib, Pərvərdigar əvvəl onun pak ruhunu
Yeddi dərya dirçəlib, hörmət Muhəmməd
eşqinə
Xətmi peyğənbər bəyan etmiş Xudanın hüccətin
Naibi olmuş Əli, Hüccət Muhəmməd
eşqinə
Firqələrdə, birləşibdir hümməti peyğənbərin
Bəs niyə birləşməyir, hümmət Muhəmməd
eşqinə
Beyət etdim mən Rəsuli- möhtərəmə rəmzidir
Şərt odur qəlb eyləsin beyət Muhəmmə
eşqinə
Bəxş olunmuş fitrətə həqqdən fəzilət çövhəri
Parlasın fitrətdə nur, hikmət Muhəmməd
eşqinə
Yoxdu Allahdan savayı, kimsədə qüdrət, elm
Çün yaranmışdır bəşər, xilqət Muhəmməd
eşqinə
Qəmgüzar, vəhdətdilə,Rəbbdə müsəlman xəlqinə
Məğfirət etsin Xuda, rəhmət Muhəmməd
eşqinə

Qiyas Qəmgüzar

NAMAZ

Rəbbinə həmd etməyə əvvəl - dəlalətdir namaz.
Qeyri yol axtarmayın, düz istiqamətdir namaz.

Haqq - Təala ehtiyacsızdır bizim taətlərə
Xeyrə dəvət eyləyən əmrə itaətdir namaz.

«Mən müsəlmanam» deyən şad eyləyər Peyğəmbəri
Çün əməllə göstərər vacib - ibadətdir namaz.

Binamaz ömrün verilsə qiyməti müsbət deyil
Qədri - qiymət, düz cəhət, həm ömrə zinətdir namaz.

Haqqa təslimolma məhşərdə böyük yardımçıdır
Haqq yol ilə getməyə məlum əlamətdir namaz.

Kim itirsə səmtini yəqin ki, yetməz kamına
Bir əvəzsiz lütfdür, bir ümdə nemətdir namaz.

Gün gələr ki, varu - dövlət zərrə yetməz dadına
Düşməmişdən müşkülə tədbirlə fürsətdir namaz.

Düş azanın mehrinə ruhun ucalsın göylərə
Haqqa doğru səsləyən xoş səsli dəvətdir namaz.

Həm Rəsulun, həm Əlinin naminə asan olan
Tay olan hər daşı min qəsrə imarətdir namaz.

Kim namazdan ayrılar, üz döndərər ondan Əli
Gəl namazdan bərk yapış, bir gün şəfaətdir namaz.

Zahir olsa sərvərim dünyanı gülzar eyləyər
Gül cəmalın güzləyənçün vəqti - beyətdir namaz.

Ey güzəllər Xaliqi, sevdim gözəl məxluqunu
Qəlbi aram eyləyən min sirli surətdir namaz.

Şahin Qurbanov,
İmam Sadiq (ə) adına İslam Maarifi Akademiyası
«Dəyərlər» Dini Jurnalistika Məktəbinin dinləyicisi

BİR GÜN

Salıb azğınlığı şeytan,
Tutub insanlığa divan.
İtib çoxdan ədəb-ərkan,
Qəriblikdə qalıb iman.
Zəlalət içrə hər bir yan,
Cəhalət qurbana qurban -
Qoşur bir-bir, udur min can.
Bu qaydayla itir səhman.
Bu dünyaya gələn mehman,
Taparkən bir qədər imkan,
Olur var-dövlətə heyran,
Gözəlliklər olur viran,
Gözə durmur xəta, nöqsan,
Ona düşmən olur vicdan,
Gözü qanlı, sözü hədyan...
O kəs gec-tez olar peşman,
Düşər dərdə, edər əfqan.
Nə çoxdur gözləri giryan?
Kimi acdır, kimi üryan.
Baxışlar qəm dolu ümman
Damarlarda donuşmuş qan.
Baxırsan, məzlumun asan -
Bu gün malı olur talan.
Bu gün fərman verir “Böhtan”,
Əcəb gərdiş, əcəb dövran?!
Bəşər məhbus, ömür zindan.
Nə çox olmuş “Ulu Xaqan”-
Ki, olmuş yer ilə yeksan.
Sən ey Allah, Rəhim-Rəhman,
Sənə məxluq deyil şayan,
Sənə möhtacıq hər bir an!
Bu gün zalim edir tüğyan,
Tutub meydan, edir cövlan.
Bu dərdə etgilən dərman,
Bizə göndər təbib, loğman.
Olar BİR GÜN də bir ELAN!
Bununla son tapar hicran,
Gələr dadə “Əsil - İnsan”.
Görər İNSANları nadan.
Qopar aləmdə bir tufan,
Çaxar şimşək, yağar leysan,
Qaranlıqlar olar əlvan,
Həqiqət, haqq deyən Sultan,
Ədalətlə verər fərman,
Qurar dünyada haqq mizan,
Bu dünyanı edər Rizvan.
Bunu təsdiq edir bürhan,
Bunu vəd eyləyir Quran!

Bunu vəd eyləyir uran!

Şahin Qurbanov,
İmam Sadiq (ə) adına İslam Maarifi Akademiyası
«Dəyərlər» Dini Jurnalistika Məktəbinin dinləyicisi

İMAM HÜSEYN (ə)

Hüseyn ibni Əli! Ya Rəbb, bu ad qəlbimdə məskundur.
Gözəllər vadisindən bir gözəl vardır ki, məhzundur.


Mənim Rəbbim bir - Allahdır ki, Ondan qeyri yox Məbud,
Rizası Kərbəladan keçmək olsa bəndə məmnundur.


Hüseyni sevməmək olmaz, HÜSEYN eşqə verib məna,
Bütün yer-göy olub heyran ona şaiqdi, məftundur.


Həqiqətdə Hüseyn kimdir, həqiqətdə Yəzid (L) kimdir?
Hüseyn məzlum, şəhid, rəhbər, Yəzid(L) zalimdi, məlundur!


Görənlər nəşin üstündə o zalimlik edən qövmü
Düşünmüş onlar haqqında: bəşər yox, qarğa-quzğundur.


Hüseynə ağlayan gözlər bəla görməz Qiyamətdə,
Əzəl gündən də əvvəldən olub təyin, bu qanundur.


Sənə üstün demək olmur, sən üstünlükdən üstünsən,
Sənin şəninlə: - acizdir, məgər üstünlük uyğundur?

Şahin Qurbanov,
İmam Sadiq (ə) adına İslam Maarifi Akademiyası
«Dəyərlər» Dini Jurnalistika Məktəbinin dinləyicisi

Çıxmadı

Üzdə it-bat oldu əsli, bu əsil üz - çıxmadı.

Nadürüstlər qarşısında çökdülər, diz çıxmadı.

Sən Xudanın əmrinə var olmusan ay naxələf,
Heç dilindən naşükürlükdən səva söz çıxmadı.

Yalquzaq iştahlıya yazıq deyib çəkdin sığal,
Gözdə aciz görsənib iştahda aciz çıxmadı.

Bir qədər pəhriz edərsən dərd də canından çıxar,
Ac-göz oğlu ac-gözə dərd oldu pəhriz, çıxmadı.

Hər şeyə qafil olub, hər çöhrəyə atmış ləkə,
Şəkk edib yəqinliyə, yəqində şəksiz çıxmadı.

Milli sərvətlər gətirdi çox bəlalər millətə,
Millətin sərvətlisi geç bircə faiz çıxmadı.

Çox ümidlər bəslədin yəqin edər haqqın difa,
Sən adın qoydun Mübariz, o mübariz çıxmadı.

Söylədik BİZ adətən, torpaq BİZİM, qeyrət BİZİM,
Getdi torpaq, getdi qeyrət, amma bir BİZ çıxmadı.

Sən qonaq gəldin, firəvan ömr edib lap bərkidin,
Fanilər mülkündə kimlər qaldı gec-tez çıxmadı?.

Harda gördün haqq gəlib meydanda haqla üz-üzə,
Orda heç qan axmadı, baş düşmədi, göz çıxmadı.

Ötdü illər, itmədi bir vaxt olan bir hadisə,
Axdı qanlar durmadan, qan üstə heç köz çıxmadı.

Şahin Qurbanov,
İmam Sadiq (ə) adına İslam Maarifi Akademiyası
«Dəyərlər» Dini Jurnalistika Məktəbinin dinləyicisi

AXTARIR

Göstərir həddən ziyadə təkid, israr axtarır.
Zülm edənlər özləri, gör kim günahkar axtarır.

Zümreyi nadan bu gün danlaq vurur ariflərə
Öz gözündə tiri görmür, haqqı da var axtarır?!

Hamıya məlum olan mətləblərə don geydirir,
Sonradan da car çəkir ki, guya əsrar axtarır.

Bir səbəb yaxud bəhanə qan tökən, evlər yıxan.
Doldurub partlatmağa əvvəlcədən şar axtarır.

Harda Quranın sədasın duysa, əhvalın pozur,
“Birtəhər əcdadına” hər yerdə oxşar axtarır.

Altımış il bədxahın iştahına qurban gedən
Əl üzübdür hər ətəkdən, indi qəmxar axtarır.

İndi ümmət bir zaman “soysuzları” xar eyləyən
Xeybəri fəth etmişi təkrar və təkrar axtarır.

Sən ədəblə söyləyirsən biədəblər anlamır,
Yəni ki, öz təbiriylə ayrı rəftar axtarır.

Eşqidə qərq olmuşu cəzb eyləyən məna nədir?
Ta əzəl gündən bəri öz məşuqun yar axtarır.

Qəm, kədər, hicran içində aşiqin həsrət çəkir,
Hər Cümə haqqın bəyanın gözlər izhar axtarır.

Şahin Qurbanov,
İmam Sadiq (ə) adına İslam Maarifi Akademiyası
«Dəyərlər» Dini Jurnalistika Məktəbinin dinləyicisi

VƏHDƏT

Birləşək yumruq kimi, peyğəmbər onda şad olar
Ümmətin torpaqları vəhdət ilə azad olar.

Xətt çəkib incikliyə, tərk eyləsək küskünlüyü
Dirçələr viranələr, viranələr abad olar.

Qüvvəmiz birlikdədir, tutsaq əgər iman yolun
Bir daha olmaz zalim, nə də bir cəllad olar.

Malu-sərvət, varu-dövlət çarə olmaz, dərd olar,
Hər nə cür abad olarsa, bir o cür bərbad olar.

Düşmənin çoxdur xəbis, nadan, ləyaqətsiz işi
Gər ayılmazsa müsəlman hər günü fəryad olar.

«Ey Hüseynim!» söyləyən, lap müşkülün dağ olsa da,
Məhzəri-Zəhradan istə yəqinən imdad olar.

Ömrü misradır ki, misralarda məna xalidir,
İnşaəllah, gün gələr misralara məna dolar.

Şahin Qurbanov,
İmam Sadiq (ə) adına İslam Maarifi Akademiyası
«Dəyərlər» Dini Jurnalistika Məktəbinin dinləyicisi