Son dövrlərdə çox nadir gün yol-nəqliyyat qəzası olmadan keçir. Böyük təəssüflər ki, bu qəza hadisələri çox zaman ağır nəticələrlə müşayiət olunur. Ötən gecə Sabunçu rayon icra hakimiyyətinin qarşısında baş verən qəza da kütləviliyi ilə mişdir. 10 UF 633 dövlət nişanlı «Hunday Santafel» markalı maşın yüksək sürətlə hərəkət edərək yolun kənarında duran 2 mersedes markalı və 2106 markalı «Jiquli» markalı 3 taksini əzərək, İcra hakimiyyətinin qarşısında çevrilib. Hadisədə ciddi xəsarət alan olmasa da, hər 4 maşın tamamilə yararsız vəziyyətə düşüb.
Şahidlərin bildirdiyinə görə, «Hunday» markalı maşının sürücüsü içkili vəziyyətdə olub.
Hadisənin necə baş verdiyini «Jiquli» markalı maşının sürücüsü belə xatırlayır: “Hadisənin günahkarı yüksək sürətlə hərəkət edən «Hunday» markalı maşının sürücüsüdür. Mən hər zaman olduğu kimi, öz yerimdə (icra hakimiyyətinin qarşısında) durub müştəri gözləyirdim. Elə bu an gördüm ki, yüksək sürətlə hərəkət edən «Hunday» markalı maşın mənə tərəf gəlir. Mən tez maşından çıxıb ondan aralandım”
Hadisə ilə bağlı Sabunçu rayonu 13-cü bölməsinin əməkdaşları araşdırmalar aparır.
İmam Sadiq (ə) adına İslam Maarifi Akademiyası
«Dəyərlər» Dini Jurnalistika Məktəbinin dinləyicisi
Комментариев нет:
Отправить комментарий