Hollivudun mərkəzində ayı dəhşəti

Ayı pedaqoqunu öldürdü

ABŞ-da, Hollivudun mərkəzində dəhşətli hadisə baş vermişdir. Belə ki, reklam çəkilişi zamanı Rocky adlı ayı qəflətən hamının gözləri önündə pedeqoqu Stefan Millərə hücum edərək boğazından dişləyərək onu öldürmüşdür.
Həmin ayını bir müddət bundan əvvəl Kaliforniyanın Böyük Ayı Gölü sahilində Randy Miller adlı bir işbaz tapmışdı. O, ayının əhəlləşdirilməsini özünün “Predators in Action” adlı heyvan təhsil mərkəzində əmisi oğlu Stefan Millərə tapşırmışdı. Elə bədbəxt hadisə də həmin təhsil mərkəzində baş verib.
Maraqlısı ondadır ki, Randy Millər 3 adamı yaralayan və öz əmisi oğlunu öldürən ayıya heç bir hirslilik əlaməti göstərməyib. Hadisəni şərh edərkən sadəcə olaraq “Nədənsə ayı birdən Stefanın üzərinə tullandı” dedi.
Xatırladaq ki, 5 yaşlı ayı sonuncu dəfə Will Ferrellin “Semi-Pro” adlı filmində çəkilib. Hal-hazırda 2 metr 30 santimetr boyunda və 317 kiloqram ağırlığındakı Rocky hadisədən sonra müşahidə altına alınıb.

Aqşin Əsgərov
İmam Sadiq (ə) adına İslam Maarifi Akademiyası
«Dəyərlər» Dini Jurnalistika Məktəbinin dinləyicisi